१० आश्विन २०७८ नेपाली कांग्रेस हेटौंडा नगरको सभापतिमा उत्सव इटेनीको प्यानलनै निर्वाचित भएको छ ।
शनिबार भएको हेटौंडा उपमहानगरपालिकाको नगर अधिवेशनमा सभापतिमा इटेनीको प्यानलनै विजयी भएको हो ।
इटेनीले सभापतिका अर्का उम्मेदवार महेन्द्र राउतलाई भारी मतले पराजित गरी विजयी बनेका हुन् । नगर सभापति इटेनीले २८४ मत प्राप्त गर्दा अर्का उम्मेदवार महेन्द्र राउतले १३२ मत प्राप्त गरेका छन् ।
उपसभापतिमा इटेनी प्यानलबाट उम्मेदवार रहेका रामकृष्ण कोइरालाले ३ सय मत,डोल्मा स्याङ्बोले २ सय ५७ प्राप्त गरी विजयी भएका छन् । अर्का उम्मेदवार राउन प्यानलबाट ज्योती कोइरालाले १ सय २६ मत र शेशन गोलेले ९३ मत प्राप्त गरेका थिए ।
यसैगरि सचिवमा सविन न्यौपाने २ सय ९७ मत अर्का सचिवमा हर्करत्न लामाले २ सय २२ मत प्राप्त गरि विजयी भएका छन् । यसैगरि अर्का सचिव उम्मेद्वार कुमार पोखरेलले १ सय ६३ मत र गंगा प्रसाद पौडेलले १ सय १० मत प्राप्त गरेका थिए ।
त्यसैगरी सहसचिव पदमा निगम श्रेष्ठले २ सय ५८ मत र विकास बानियाँले २ सय ६५ मत प्राप्त गरी विजयी भएका छन् । यसैगरि अर्का सहसचिव पदका उम्मेद्वार अञ्जनी पराजुलीले १ सय ५७ मत राजकुमार जोशीले ८४ मत प्राप्त गरेका थिए ।
