१७ असोज २०७८ –
यहि असोज १९ गते बाट २४ गते सम्म मकवानपुर गढी गा.पा ३ मक्रान्चुली मा हुने मकवानपुरगढी गाउपलिका रनिंग शिल्ड फुटबल प्रतियोगिताको तयारी पुरा भएको आयोजक संस्था गढी स्टार स्पोर्ट्स क्लबले जनाएको छ ।
यो वर्ष प्रतियोगितामा सहभागी हुन २४ समुह दर्ता भएका छन् । यो संगै आयोजक संस्था गढी स्टार स्पोर्ट्स क्लबले १९ गते देखी २४ गते सम्म संचालन हुने भिभिन्न चरणका खेल तालिका र समय समेत सार्बजनिक गर्दै १९ गते उद्घाटन कार्यक्रम गरि लिग चरणको गते ६ खेल हुने , २० र २१ गते ८/८ खेल हुने २२ गते लिग चरणको अन्तिम २ खेल भै नक-आउट चरणको ६ खेल हुने छ । तेस्तै २३ गते नक-आउट चरणको अन्तिम २ खेल हुनुका साथै क्वाटरफाइनलमा चरणको ४ खेल हुने र खेलको अन्तिम दिन अर्थात् असोज २४ गते सेमिफाइनल, तेस्रो स्थान, दितीय र प्रथम अर्थात् फाईनल खेल गर्दै कार्यक्रम समापन गर्ने कार्यतालिका आयोजक संस्थाले प्रकाशन गरेको छ ।
यस मकवानपुरगढी गाउपलिका रनिंग शिल्ड फुटबल प्रतियोगितामा बिजेता समुहले नगद ५०००० सहित ट्रफी,मेडल र प्रमाणपत्र उप-बिजेता समुहले नगद ३५००० सहित मेडल र प्रमाणपत्र र तेस्रो हुने समुहले नगद २०००० मेडल र प्रमाणपत्र प्राप्त गर्ने छन् भने खेल अवधिभर उत्कृस्ट खेलाडी ,गोल रक्षक र सर्वाधिक गोलकर्ता लाई समेत ट्रफी प्राप्त गर्ने छन् ।
उक्त उद्घाटन कार्यक्रमको रेडियो मकवानपुरगढी ९५ मेगाहर्ज का साथै रेडियो मकवानपुरगढी को आधिकारिक फेसबुक पेज र www.radiomakwanpurgadhi.com बाट समेत प्रत्यक्ष प्रशारण समेत हुने छ ।
