वडाबासीको चाहना अनुसार काम गर्छु : अध्यक्ष रायमाझी

                  थाहा नगरपालिका वडा नं. ३ का अध्यक्ष हिरेन्द्र कुमार रायमाझीले वडाबासीको चाहना अनुसार काम गर्ने बताउनुभएको छ ।
सोमबार वडा कार्यालय विकास घर शिखरकोटामा भएको पदस्थान, स्वागत तथा बिदाई कार्यक्रममा अध्यक्ष रायमाझीले निर्वाचनका क्रममा वडा बासीहरुले दिएको सबै मतको कदर गर्ने समेत बताउनुभयो ।
रायमाझीले आफुसंगै उम्मेद्वारी दिएका अध्यक्षका प्रत्यासीहरु, पूर्व जनप्रतिनिधिहरु, स्थानीय समाजसेवी, आम नागरिकको सल्लाह बमोजिम कार्य गर्ने समेत बताउनुभयो ।
रायमाझी नेकपा माओवादी केन्द्रका तर्फबाट उम्मेद्वार भई अध्यक्ष पदमा निर्वाचित भएका थिए ।
निवर्तमान वडा अध्यक्ष राजेश के.सी.ले नवनिर्वाचित पदाधिकारीहरुलाई स्वागत सहित शुभकामना दिँदै वडाको विकासमा सक्दो सहयोग गर्ने बताउनुभयो ।
कार्यक्रममा वडा अध्यक्षका प्रत्यासी नेकपा एमालेका सुजन कुमार रायमाझीले वडामा हुने विकासका कार्यमा साथ दिने र शसक्त प्रतिपक्षको भूमिकामा रहने बताउनुभयो ।
त्यस्तै अध्यक्षका अर्का प्रत्यासी राष्ट्रिय जनमोर्चाका दिनेश बिष्टले नवनिर्वाचित पदाधिकारीहरुलाई शुभकामना दिँदै सकारात्मक कार्यका लागि सधै सहयोग गर्ने बताउनुभयो ।
कार्यक्रममा पूर्व वडा अध्यक्ष, सदस्यहरुलाई मायाको चिनो सहित बिदाई गरिएको थियो ।

Leave a Reply

Your email address will not be published. Required fields are marked *