हिमाल महिला सहकारीद्धारा ११३ औ अन्तर्राष्ट्रिय श्रमिक महिला दिवसका अवसरमा बिबिध कार्यक्रम आयोजना

२५ फागुन २०७९
मकवानपुरगढी गाउँपालिका वडा नम्बर ३ मा रहेको हिमाल महिला बहुद्धेश्यसीय सहकारी सस्था लिमिटेडको आयोजनामा ११३ औ अन्तर्राष्ट्रिय श्रमिक महिला दिवस मनाईएको छ ।
दिवसको अवसरमा संस्थाले सचेतनामुलक र्याली र बिभिन्न प्रतियोगिताहरु आयोजना गरेको थियो । मकवानपुरगढी गाउँपालिका कार्यालय अगाडिबाट सुरु भएको र्याली सहकारी भवनमा पुगेर कार्यक्रममा परिणत भएको थियो ।
संस्थाकी अध्यक्ष जानकी दहालको अध्यक्षतामा भएको कार्यक्रममा सुभकामना आदान प्रदान गर्नुका साथै सहकारीका शेयर सदस्यहरुबिच म्युजिकल चियर ,घईटो फुटाई, बेलुन फुटाई, केरा खुवाई, तातो आलु, बेलुन फुटाई, लगायतकाको प्रतियोगिता आयोजना गरिएको थियो ।
बेलुन फुटाईमा स्वस्तिका तिमल्सीना , घैँटो फुटाईमा सरस्वती अधिकारी, केरा खुवाईमा रत्नमाया लो , राधिका घलान र अस्मिता तिमल्सीना र भवानी न्यौपाने पुरस्कृत हुदा , तातो आलुमा रियाज दहाल, बेलुन फुटाईमा कोपिला न्यौपाने पुरस्कृत भएको सस्थाकी ब्यबस्थापक शुभद्रा घिमिरे तिमल्सीनाले जानकारी दिनु भएको छ । कार्यक्रममा संस्थाका पदाधिकारी पुर्ब अध्यक्ष , सल्लाहकार तथा शेयर सदस्य महिलाहरुको उत्साहजनक सहभागिता रहेको थियो ।

Leave a Reply

Your email address will not be published. Required fields are marked *

WP Popup