२१ असार २०८१
मकवानपुर गढी गाउँपालिका वडा नम्बर ३ को आयोजनामा लक्षित वर्ग सम्मान तथा छात्रवृत्ति कार्यक्रम सम्पन्न भएको छ।
मकवानपुर गढी गाउँपालिकाकी उपाध्यक्ष मानकुमारी पाख्रिन नेपालीको प्रमुख आतिथ्यता तथा वडा नं ३ का अध्यक्ष भागवत घिमिरेको सभाध्यक्षतामा भएको कार्यक्रममा
गाउँपालिकाका प्रमुख प्रशासकीय अधिकृत नवीन लामा को विशेष आतिथ्यता रहेको थियो। कार्यक्रममा मकवानपुर गढी गाउँपालिका वडा नम्बर ३ मा बसोबास गर्ने ६८ वर्षदेखि ७० वर्ष उमेरसम्मका ६३ जना जेष्ठ नागरिक, पूर्ण अपांगता भएका व्यक्ति -३ जना,आंशिक अपांगता भएका व्यक्ति-१६ जना तथा विभिन्न क्षेत्रमा रहेर योगदान पुर्याउने व्यक्तिहरूलाई सम्मान गरिएको छ।
सम्मान अन्तर्गत निवृत शिक्षकमा रमेश प्रसाद लामिछाने र विष्णुप्रसाद सापकोटा लाई सम्मान गरिएको थियो भने, सफल व्यवसायीतर्फ सुरेशकुमार ब्लोन उद्धवप्रसाद सापकोटा, तोयानाथ हुमागाई गोकर्ण पराजुली सम्मानित हुनुभएको छ।यस्तै पशुपालन तथा दूध बिक्रीतर्फ ठाकुरप्रसाद दाहाल, सरिना तिमल्सिना र इन्दिरा न्यौपानेलाई सम्मान गरिएको छ।बाख्रापालनतर्फ सूर्यनारायण पुडासैनी ,कृषि स्नातक कृशला दाहाल र रचना दाहाललाई सम्मान गरिएको छ। SEE मा ३.६९ GPA ल्याउने समीक्षा फुयाल र ३.६६ GPA ल्याउने प्रसन्न चौलागाईंलाई सम्मान गरिएको छ। कार्यक्रममा मनकामना दुग्ध उत्पादक सहकारी संस्था र श्री भानु माध्यमिक विद्यालयलाई सम्मान गरिएको छ। वडा नम्बर ३ का सचिव सोनिका अर्याल र कर्मचारी जानकी दाहाललाई सम्मान गरिएको थियो। कार्यक्रममा विभिन्न संघसंस्थाका प्रतिनिधिहरूको उपस्थिति रहेको थियो। वडा नम्बर ३ कार्यालयले विगत दुई वर्षदेखि जेष्ठ नागरिक र विभिन्न क्षेत्रमा योगदान पुर्याउने व्यक्तित्वहरूलाई सम्मान गर्दै आएको छ ।
Monday, October 14, 2024
