अमिर परिश्रमी
१८ जेष्ठ २०७८, मंगलवार- मकवानपुरको हेटौंडामा थप २ जना कोरोना संक्रमित महिलाको मृत्यु भएको छ । मृत्यु हुनेमा दुबै जना हेटौंडा उपमहानगरपालिका भित्रका रहेका छन् । उनिहरुको उपचारको क्रममा हेटौंडा अस्पतालमा मृत्यु भएको हो । मृत्यु हुनेमा हेटौंडा ८ की ७५ वर्षीया महिला र हेटौंडा ११ की ७८ वर्षीया महिला रहेका छन् ।
हेटौंडा ११ की वृद्धामा जेठ ३ गते कोरोना पुष्टि भएको र गएराति मृत्यु भएको हो भने हेटौंडा ११ की वृद्धामा जेठ १६ गते कोरोना पुष्टि भएको र आज बिहान ४ बजे मृत्यु भएको स्वास्थ्य कार्यलय मकवानपुरले जनाएको छ । यो संगै मकवानपुरमा कोरोनाबाट मृत्यु हुनेको संख्या ९४ जना पुगेको छ ।
यसैगरी मकवानपुरमा आज थप एक सय ४४ जनामा कोरोना संक्रमण पुष्टि भएको छ । ५५ जना पीसीआर परिक्षणबाट र अरु ८९ जना भने एन्टीजेन परिक्षणबाट कोरोना पुष्टि भएको स्वास्थ्य कार्यालय मकवानपुरले जनाएको छ ।
जनपत्र अनलाईनबाट
