बैशाख ३० गते हुने स्थानीय तहको निर्बाचनमा मकवानपुरगढी गाँउपालिका वडानम्बर ३ मा गठबन्धको तर्फबाट वडा अध्यक्षका उम्मेदवार अर्जुन प्रसाद दहालले आगामी स्थानीय तहको नेतृत्व लिँदा गर्ने कामहरुको बारेमा प्रतिवद्धतापत्र सार्वजनिक गर्नु भएको छ । गढी ३ मक्रान्चुलीमा रहेको गठबन्धनको संयुक्त प्रचार प्रसार कार्यालयमा एक कार्यक्रमका बीच प्रतिवद्धतापत्र सार्वजनिक गर्नु भएको हो ।
समावेशी, समतामुलक, समृद्ध र खुशी वडा वडाबसीहरुको सशक्तिकरण हाम्रो प्रतिबद्धता भन्ने नाराको साथ सार्बजनिक गरिएको प्रतिबद्धता पत्रमा वडा बासिहरुको आर्थिक जिवन स्तरमा सुधार देखि ,स्वास्थ्य सेवा र सुविधाको प्रवर्धनलाई लक्षित कार्यक्रमको रुपमा राखिएको छ ।
यस्तै सम्पुर्ण बालबालिकाको गुणस्तरीय शिक्षामा पहुँच, युवा, महिला, एकल महिला, सिमान्तकृत वर्ग र अपाङ्गता भएका व्यक्तिहरुको सशक्तिकरणलाई जोड दिइएको छ ।
बालमैत्री, युवामैत्री, प्रौढमैत्री र अपाङ्ग मैत्री वातावरण, खेलकुदको विकास र खेलाडि उत्पादन,पर्यापर्यटनको प्रवर्धन,स्वच्छ खानेपानी, वातावरणिय स्वच्छता र सरसफाइको प्रवर्धन देखि विपद् जोखिम न्युनिकरण,दिगो भौतिक पुर्वाधार विकास,सूचना र आधुनिक सञ्चार सुविधाको प्रवर्धन, सुशासन,स्थानिय स्तरमा चलिआएका संस्कृति र परम्पराहरुको संरक्षण तथा संवर्धन को लक्ष्य राखिएको छ ।
मकवानपुरगढी गाउँपालीका वडा नम्बर ३ मा गठबन्धनको तर्फबाट अध्यक्षका उम्मेदवार अर्जुन प्रसाद दहालको प्रतिबद्धता पत्रमा निम्न योजनाहरु समेटिएको छ ।
कृषि÷कृषि उत्पादन व्यवसाय प्रवद्र्धन र पर्यापर्यटन विकास योजना बनाई कार्यान्वयन गर्ने,
स्थानिय स्तरमा उपलब्ध स्रोतसाधन र कच्चा पदार्थको प्रयोग गरि घरेलु तथा साना उद्योगको प्रवर्धन गर्ने,
प्रत्यक वर्ष कम्तिमा १५ जना कमजोर आर्थिक अवस्था र स्थानिय सेवा र सुविधाको पहुँच बाहिर रहेका वर्गका युवा तथा महिलाहरुका लागि सिपमुलक तालिम र व्यवसाय प्रारम्भका लागि सहयोग गर्ने,
धमिले, झल्ला, तल्लो कालिखोला र अन्य सिञ्चित क्षेत्रका प्रत्यक किसानको खेतमा सिचाई गर्न मिल्ने गरी नहर र सहायक कुलाहरुको निर्माण गर्ने,
वडा भित्र कृषि सहकारीको व्यवस्थापनमा सञ्चालन हुने गरी १ ओटा कोल्ड स्टोर (शित भण्डारण) बनाउने,
किसानहरुको उत्पादनमा समर्थन मूल्य कायम गरी मूल्य नपाएर उत्पादन खेर जाने स्थितिको अन्त्य गर्न निश्चित सिमा तोकेर त्यसभन्दा कम मुल्य भएमा वडालेनै खरिद गर्ने व्यवस्था मिलाउने,
तरकारी संकलन केन्द्रको स्थापना गर्ने,
वडाभित्रका किसानहरुलाई कृषि क्षेत्रमा सिँचाइ र सहजतापूर्वक मलबिउको समयमै उपलब्ध गराउने,
सहकारी तथा सामुहिक खेतिको अवधारणालाई कार्यान्वयन गर्ने,्
वडामा रहेका खेतियोग्य जमिन बाँझो नराख्न कृषिमा प्रोत्साहन कार्यक्रम ल्याउने,
निम्न आर्थिक अवस्था भएका कृषकहरुको उत्थानका लागि किसान तथा कृषि फर्महरुको ग्रेडिङ् गरि किसान÷कृषक उत्थान अनुदान कार्यक्रम सञ्चालनमा ल्याउने,
बैँक तथा वित्तिय संस्थासँग समन्वय गरी सहुलियत कृषी कर्जा उपलब्ध गराईनेछ,
झल्ला कालिखोला, देविडाँडा टालेविकास र अन्य सम्भावित टोलविकासमा लिफ्टिङ् सिँचाइको व्यवस्था गरी फलफुल र बेमौसमी तरकारी उत्पादनमा जोड दिने,
बाँदर तथा जङ्ली जनावरबाट बालि संरक्षण सम्बन्धी कार्यक्रम ल्याईनेछ,
कार्यकालको पहिलो वर्षबाटै वडाका प्रत्यक परीवारको स्वास्थ्य बिमा निःशुल्क गरीनेछ,
विद्यमान सामुदायिक स्वास्थ्य इकाईको सुविधा थप गर्नुका साथै आधुनिक उपकरण र दक्ष जनशक्ति सहितको स्वास्थ्य परिक्षण प्रयोगशाला स्थापना गर्ने,
जनताको सहज स्वास्थ्य उपचारका लागि ६ महिनाको एकपटक प्रत्यक टोलमा घुम्ति स्वास्थ्य शिविर सञ्चालन गर्ने (महिलाका लागि अनिवार्य स्वास्थ्य परिक्षण) र सामुदायिक नर्सिङ् सेवा सञ्चालन गरी प्रत्यक घरघरमा गएर स्वास्थ्य परिक्षण गर्ने व्यवस्था मिलाउने र सबैलाई हेल्थकार्ड वितरण गर्ने,
सुत्केरी महिलालाई वडाबाट अतिरीक्त ३ हजार बराबरको सुत्केरी खर्च उपलब्ध गराईनेछ,
विद्यार्थिको अनुपातमा शैक्षिक अनुदान दिँदै पाँच वर्षभित्रमा वडाभित्र शिक्षालाई पुर्ण निशुल्क बनाउने,
विद्यार्थिको आवतजावतका लागि निशुल्क यातायात सेवा दिने,
पाँच वर्ष भित्र भानु मा.वि. लाई बृहत्तर विद्यालयको अवधारणा अनुसार विकास गरी प्राविधिक शिक्षालयको रुपमा विकास गर्ने र अन्य विद्यालयहरुको स्तरोन्नतिका लागि समेत पहल गर्ने,
विद्यालयका पूर्वाधारहरु पुर्ण बालमैत्री, अपाङ्गमैत्री, लैङ्गीक मैत्री र भुकम्प प्रतिरोधी भएको सुनिश्चित गर्ने,
३ नम्वर वडाभित्र रहेका तिनओटै विद्यालयका बालविकास सहजकर्ताहरुलाई मन्टेश्वरी तालिम प्रदान गरी सो अनुसार सहजिकरण भएको सुनिश्चित गर्ने र अङ्ग्रेजी माद्यमको शिक्षण सिकाइलाई प्रबद्र्धन गरीनेछ,
उच्च शिक्षा अध्ययनका लागि ३ नम्वर वडाभित्र रहेका गरिब, जेहेन्दार र दलित गरी प्रत्यक वर्ष पाँच जना बालबालिकाहरुलाई छात्रवृत्ति प्रदान गर्ने (सामान्य र प्राविधिक दुवै तर्फ गरी),
आठओटै टोलमा सामुदायिक पुस्तकालय स्थापना गरी त्यसको दिगो रुपमा व्यवस्थापन र सञ्चालन गर्ने,
शिक्षक र वडाका कर्मचारीहरुबिच समानता कायम गर्न शिक्षक तथा विद्यालय कर्मचारीहरुलाई कार्य सम्पादन मुल्याङ्कनका आधारमा अतिरीक्त सेवा सुविधा दिने व्यवस्था गर्ने,
युवा, महिला, एकल महिला, सिमान्तकृत वर्ग र अपाङ्गता भएका व्यक्तिहरुको सशक्तिकरण गर्न लक्षित कार्यक्रमहरु सञ्चालन गर्ने,
वडाभित्र निर्माण हुने भवन तथा पुर्वाधारहरु बालमैत्री र अपाङ्गमैत्री बनाउने,
प्रत्यक टोलमा बालमैत्री पार्क निर्माण गर्ने र वडामा बालमैत्री स्रोतकेन्द्र सञ्चालन गर्ने,
आठओटै टोलहरुमा बालसमुह निर्माण तथा परिचालन गर्ने र बालबालिकाहरुको क्षमता र सिर्जनशिलता विकास हुने खालका कार्यक्रमहरु सञ्चालन गर्ने,
वृद्धविश्राम निर्माण र व्यवस्थापन गर्ने,
प्रत्यक वर्ष ‘वृद्धवृद्धाको कुरा सुनौँ ःवृद्धवृद्धाको सम्मान गरौँ’ अभियान सञ्चानल गर्ने,
वडाभित्र उपयुक्त र पायक पर्ने स्थानमा थप एक खेलमैदान र कभर्डहल निर्माण गर्ने,
खेल विकासका लागि निःशुल्क मार्शल आर्ट, फुटबल लगाएतका खेलहरुको प्रशिक्षण सञ्चालन गर्ने,
हरेक वर्ष वडा कार्यालयकै आयोजनामा वडास्तरीय खेलकुद प्रतियोगिता गर्ने,
पाँच वर्षभित्र दहालको बारी र सुसेली सामुदायिक बनमा पिकनिक स्पट र रातोमाटे डाँडोलाई क्ष्त् पार्कको रुपमा विकास गर्ने,
खानेपानिको अभाव भएको वस्ति पहिचान गरी उक्त स्थानमा भएको पुराना कुवा, पानिको मुहानको संरक्षण र व्यवस्थापन गर्ने र आवश्यक्ताका आधारमा मात्रै लिफ्टीङ् गर्ने,
प्रत्यक घरमा मिटर जडित खानेपानिका धारा निर्माण गर्ने र न्युनतममा ५० प्रतिशत सम्म खानेपानी निःशुल्क उपलब्ध गराउने
वातावरणीय सरसफाई र खुल्ला दिशामुक्त अभियान सफल पार्न बढि भिडभाड हुने ठाउँमा सार्वजनिक शौचालय निर्माण गर्ने,
हरित सडक निर्माण अभियान सञ्चालन गरी सडकका छेउमा धुपी, अशोक, फुलका बिरुवाहरु रोप्ने (न्चभभल द्यभति क्ष्मभ) र फोहोरको व्यवस्थापनका लागि ठाउँठाउँमा डस्टबिन राख्ने,
घर तथा उद्योगबाट निस्कने फोहोर व्यवस्थापनका लागि पालिकासँग समन्वय गरी ीबलम ँष्िि क्ष्मभ बनाउने,
पाँचवर्ष भित्रमा सामरी खोलाको बाढी समस्या र बस्ति संरक्षणको दिगो व्यवस्थापनका लागि सामरी करिडोर निर्माण गर्ने र दायाँबायाँको जग्गालाई खेतियोग्य जमिनको रुपमा उपयोग गर्ने,
सबैको ढुवानी तथा यातायातको सहजता र आवश्यक्ताका आधारमा वातावरणीय प्रभाव मुल्याङ्कन गरी सडक विस्तार, मापदण्ड अनुसार सडक स्तरोन्नती र सबै सडकहरुमा ढलको निर्माण गर्ने,
विद्युत सेवालाई थप मजबुत बनाउन वडाभित्रका सबै ठाउँमा काठको पोल विस्थापित गरी फलामको पोल राख्ने,
कार्यकालको दोस्रो वर्ष भित्रमा मक्राञ्चुली–चौघडा सडकलाई वर्षा समयमा समेत आवतजावत गर्न सकिने गरि स्तरोन्नती गर्ने र सडकको छेउ तथा उपयुक्त स्थानबाट पैदल मार्गको समेत निर्माण गर्ने र विश्रामका लागी यात्रु प्रतिक्षालय निर्माण गर्ने,
सामरी पुलदेखी बरबोट, झल्ला देखी फुटसल, बेलिब्रिज देखी पालिका र सोल्टिमोड देखी पालिका सम्मको बाटो मापदण्ड बामेजिम स्ल्याब ढलान तथा स्तरोन्नती गरिनेछ,
कार्यकालको तेस्रो वर्षमा मुल सडकहरुमा रातको समयमा पनि आवतजातलाई सहज र सुरक्षित बनाउन सोलार प्यानल सहितको बत्ति जडान गर्ने,
सुचनाको पहुँच प्रवर्धन गर्न बढि भिडभाड हुने कम्तिमा ३ ठाउँमा सामुदायिक वाईफाई क्षेत्र बनाउने (विषम् परीस्थितिमा बालबालिकाको सिक्ने तथा अध्ययन गर्ने स्थानको रुपमा समेत यसलाई विकास गर्न सकिन्छ ।),
सुचनाको हक र पारदर्शिताका लागि हरेक ३÷३ महिनामा वडा कार्यालयबाट भएका कामहरु र बजेटको विवरण सार्वजनिक स्थानमा सार्वजनिक गर्ने,
वडा कार्यालयमा भएका कार्यक्रमहरु, योजनाहरु, महत्वपुर्ण सुचनाहरुको जानकारी मोबाइल एस एम एस को माद्यमबाट वडाका प्रत्यक घरधुरीमा पुग्ने व्यवस्था गर्ने,
वडा कार्यालयमा सेवा लिन आउने हरेक सेवाग्राहीका लागि सेवाग्राहीमैत्री वातावरण निर्माण गर्ने र आत्म सम्मानका साथ सहज सेवा प्राप्त गर्न आवश्यक सहजिकरण समेत गर्ने व्यवस्था मिलाउने,
वडामा रहेका पुराना मठ, मन्दिर, गुम्बा, चर्च अदिको संरक्षण र आवश्यक्ता अनुसार मर्मत सम्भार गर्ने,
गाउँपालिकाद्धारा निर्माण गरिएको समाज सुधार ऐनलाइ वडाभित्र प्रभावकारी रुपमा कार्यान्वयन गर्ने,
राजनैतिक आस्थाका आधारमा कोहिकसै माथि विभेद नगरी निष्पक्ष र समान रुपमा वडाबाट सेवा प्रवाह गरीनेछ भन्ने योजना प्रतिबद्धता पत्रमा उल्लेख गरिएको छ ।
मकवानपुरगढी ३ : वडा अध्यक्षका उम्मेदवार अर्जुन प्रसाद दहालको चुनाबी प्रतिबद्धता पत्र सार्बजनिक । समृद्ध र खुशी वडा बनाउन यस्तो छ योजना ।
