२०८० माघ २३
सरकारी काम कहिले जाला घाम भन्ने नेपाली उखान चरितार्थ गर्दै सरकारी कार्यालयहरुमा कर्मचारीहरु समय सम्म नबस्ने समस्या मकवानपुरगढी गाउँपालिका कार्यालयमा पनि सामान्य जस्तै भइसकेको छ ।
सोमबार रेडियो मकवानपुरगढीले छड्के रिपोर्टिङ गर्ने क्रममा कार्यालयका अधिकांश शाखाहरूमा रहेका कर्मचारिका कुर्सी खाली भेटिएका थिए । 
सरकारी कार्यालय बिहान १० बजे देखि ५ बजे सम्म खुल्ने भए पनि रिपोर्टिङको क्रममा ४ बजेर १५ मिनेटमा पुग्दा अधिकांश कर्मचारीहरु कार्यकक्षमा भेटिएनन ।
शुरुमा हामी प्रशासन शाखामा पुग्दा प्रशासन सहायक किरण मोक्तानलाई भेटेउ । उहाँलाई लिएर हामी सबै शाखामा पुग्दा अधिकांश कर्मचारी थिएनन् । हामी पुग्दा स्वास्थ्य शाखामा एक जना , लघुउद्देम शाखा मा १ जना, सामाजिक विकास शाखामा शाखा प्रमुख र प्राबिधिक शाखामा आइटीका २ जना र कार्यालय सहयोगि बाहेक अरु कुनै कर्मचारी भेटिएनन, कार्यालयमा कर्मचारी नभेटिएको विषयमा प्राशासन सहायक मोक्तान सङ बुज्दा धेरै कर्मचारी फिल्डमा , कुनै कर्मचारी तालिम र कुनै कर्मचारी बिरामी , कुनै कर्मचारी काम परेर निस्किएको बताएका थिए ।
कार्यालयमा काम नै प्रभावित हुने गरि कर्मचारी नभेटिनु कर्मचारिको गैरजिम्मेवार कार्य भएको सेवाग्राहिले बताएका छन । कर्यालयमा ई-हाजिरिको ब्यबस्था भए पनि त्यसको समेत प्रवाह नगरी कर्मचारी कार्यालयबाट कार्यालय समय अगाडिनै निस्कने गरेका छन ।
कार्यालयमा प्रमुख प्रशासकिय अधिकृत र जनप्रतिनिधी कार्यालयमा हुदा कर्मचारी समय सम्म बसे पनि उहाँहरु नहुदा यस्तै हुने गरेको एक सेवाग्राहीले गुनासो गरेका छन ।
कार्यालयमा कर्मचारी नभेट्दा सेवाग्राहीलाई सेवा लिन कठिन।
