२ असार २०८०
मकवानपुरगढी गाउँपालिका स्तरिय बुद्धिचाल प्रतियोगितामा नवराज हुमागाई प्रथम हुनु भएको छ । मकवानपुरगढी गाउँपालिका बुद्धिचाल संघको आयोजनामा भएको प्रतियोगितामा उद्धव प्रसाद सापकोटा द्धितिय, राजकुमार योन्जन तृतिय, दिवश दुलाल चौथो र दिपक तिमल्सिना पाँचौ हुनु भएको छ ।
प्रतियोगितामा प्रथम ,दितिय, तृतिय र सान्त्वना हुनेलाई क्रमश १० हजार ,५ हजार , ३ हजार र ५ सय रुपैया सहित प्रमाण पत्र प्रदान गरिएको थियो ।
प्रतियोगितामा जमुना सापकोटा महिला तर्फ उत्कृष्ट, बिप्सना देवकोटा महिला तर्फ सान्त्वना , भरत प्रसाद फुयाल ५२ बर्ष माथि , आर्जन हुमागाई १५ बर्ष मुनी उत्कृष्ट भएकोले रु १ – १ हजार रुपैया प्रदान गरिएको छ ।कृष्ण थापा रेफ्री रहनु भएको प्रतियोगितामा ३६ जनाको सहभागिता रहेको थियो ।
मकवानपुरगढी गाउँपालिका वडा नम्बर ३ का अध्यक्ष भागबत घिमिरेको प्रमुख अतिथ्यता र मकवानपुरगढी बुद्धिचाल संघ अध्यक्ष उद्धव प्रसाद सापकोटाको अध्यक्षतामा कार्यक्रम भएको हो । उक्त अवसरमा वडा अध्यक्ष भागबत घिमिरेले प्रतियोगितामा बिजयी भएकालाई बधाई दिदै यो प्रतियोगितालाई आगामी बर्ष पनि निरन्तरता दिन सहयोग गर्ने प्रतिबद्धता ब्यक्त गर्नु भयो । प्रतियोगिता संचालन गर्न ३ नम्बर वडा कार्यालयले ५० हजार रुपैया आर्थिक सहयोग गरेको थियो ।
प्रतियोगिता संचालनमा सहयोग पुर्याएकोमा मकवानपुरगढी गाउँपालिका कार्यालय , वडा नम्बर ३ कार्यालय लगायत बिभिन्न संघ संस्थालाई मायाको चिनो प्रदान गरिएको थियो । कार्यक्रमको सञ्चालन संघका सचिव तथा वडा सदस्य बिदुर हुमागाईले गर्नु भएको थियो ।
मकवानपुरगढी गाउँपालिका स्तरिय बुद्धिचाल प्रतियोगिताको उपाधि नवराज हुमागाईलाई
