मकवानपुर । किसान देखि उपभोक्ता सम्म सहकारी मार्फत गरिएको तरकारी कारोबारमा आज एक्कै दिन ७ हजार केजी तरकारी बिक्री भएको छ ।
आज काउली , बन्दा , मुला लगायतका तरकारी मकवानपुर जिल्लाको उत्तरी क्षेत्र थाहा नगरपालिकाको पालुङ , बज्रबाराही , चित्लाङ बाट ल्याई बिक्री गरिएको हो ।
मकवानपुर उद्योग वाणिज्य संघको पल्पसा हलमा सुरक्षित तरिकाले तरकारीको प्याकिङ गरि सहकारी मार्फत उपभोक्ता सम्म पुर्याइएको जिल्ला सहकारी संघका ब्यवस्थापक गोविन्द दाहालले बताउनु भयो । आज सोही स्थानबाट मात्रै २ हजार ५ सय केजी तरकारी उपभोक्ता स्वयं उपस्थिति भएर लगेको दाहालले बताउनु भयो ।
यसैगरी आज हेटौंडा उपमहानगरपालिकाको पुर्वी क्षेत्रमा तथा बकैया गाउँपालिकामा रहेका विभिन्न सहकारी मार्फत उपभोक्तासम्म तरकारी बिक्री गरिएको छ । सम्बन्धित ठाउँ सम्म तरकारी पुर्याउनको लागि प्रदेश सरकारले २ वटा सरकारी गाडी उपलब्ध गराई सहयोग गरेको छ ।
