१२ पौष २०७८
मकवानपुरगढी गाउँपालिका कृषि विकास शाखाको आयोजनामा दुई दिने किसान सूचीकरण अभिमुखीकरण कार्यक्रम सम्पन्न भएको छ । पौष ११ र १२ गते दुई दिन भएको कार्यक्रममा हरेक वडाबाट छनौट भएका सहजकर्ता र कृषि प्राविधिकहरुको सहभागीता रहेको थियो । गत आ.व.०७७/७८ मा गाउँपालिका भित्रका ७३८ जना कृषक परिवारलाई किसान सूचीकरण प्रणालीमा आवद्व गरिएकोमा चालु आ.व.०७८/७९ मा पालिका भित्रका सम्पूर्ण कृषक परिवारलाई सूचीकरण प्रणालीमा आवद्व गराईएको कृषि विकास शाखाका प्रमुख चन्द्रकान्त चौधरीले बताउनु भयो ।
सूचीकरण प्रणालीमा आवद्व किसानलाई परिचय पत्र समेत वितरण गर्ने गाउँपालीकाको लक्ष्य रहेको छ । कार्यक्रममा गाउँपालीका अध्यक्ष बिदुर हुमागाई , उपाध्यक्ष हर्कमाया रुम्बा, प्रमुख प्रशासकीय अधिकृत रामकुमार पुडासैनी , बिभिन्न वडाका वडा अध्यक्षहरु र सरोकारवालाको सहभागिता रहेको थियो ।
मकवानपुरगढीमा किसान सूचीकरण अभिमुखीकरण कार्यक्रम सम्पन्न
