२८ पौष २०७९
जनयुद्धका महान सहिद रुद्र बहादुर पाख्रिन(रमेश)को सम्मानमा मकवानपुरगढी गाउँपालिकाको सडकलाई सहिद रुद्र मार्ग नामाकरण गरिएको छ । मकवानपुरगढी गाँउपालिकाको वडा नम्बर ४ सामरी पुल देखि मनकामना, मक्रान्चुली,कुर्ले,सुकौरा हुदै बकैया जेड्ने सडकको नाम सहिद रुद्र मार्ग नामाकरण गरिएको हो । सहिद रुद्र बहादुर पाख्रिनको २० औ स्मृती दिवसको अबसरमा बिहिबार एक कार्यक्रमको आयोजना गरी उक्त सडकलाई सहिद रुद्र मार्ग नामाकरण गरिएको हो ।गाउँपालिकाको आर्थिक बर्ष २०७९/०८० को निति तथा कार्यक्रममा उक्त सडकलाई सहिद रुद्र मार्ग नामाकरण गर्ने उल्लेख गरिएको छ । गाउँपालिका उपाध्यक्ष मानकुमारी पाख्रिन नेपालीको अध्यक्षतामा भएकोकार्यक्रममा मकवानपुरगढी गाउँपालिका अध्यक्ष दोर्जे लामा स्याङ्तानको प्रमुख आतिथ्यता र प्रमुख प्रशासकिय अधिकृत रामकुमार पुडासैनिको बिशेष आतिथ्यता रहेको थियो ।
