हेटौंडा–९ स्थित गुम्बा चोकबाट खैरो हेरोइनसहित दुई युवक पक्राउ परेका छन्।
पक्राउ पर्नेमा कैलाश गाउँपालिका–९ घर भई हाल हेटौंडा–४, कर्रामा बसोबास गर्दै आएका १९ वर्षीय निश्चल लामा नेगी र चितवन राप्ती नगरपालिका–६ घर भई हाल हेटौंडा–९ मा डेरा गरी बस्दै आएका २० वर्षीय अभिषेक रानालाई शंका लागि खानतलासी गर्दा १ ग्राम ६५० मिलिग्राम खैरो हेरोइन फेला पारेको हो ।
जिल्ला प्रहरी कार्यालय मकवानपुरको टोलीले लागूऔषध कारोबार भइरहेको भन्ने विशेष सूचनाको आधारमा उनीहरुलाई नियन्त्रणमा लिई ५ दिनको म्याद थप गरी आवश्यक अनुसन्धान अघि बढाएको जनाएको छ। पक्राउ परेका व्यक्तिहरूमाथि लागूऔषध नियन्त्रण ऐन अन्तर्गत मुद्दा चलाइने जनाइएको छ।
